გაერთიანებული ოპოზიცია „ქართულ ოცნებას“ გამოსავლის სახით კანონპროექტს სთავაზობს. ახალი კანონპროექტის პრეზენტაციას ოპოზიციური პარტიის ლიდერები ამ წუთებში მართავენ. ოპოზიციაში აცხადებენ, რომ კანონპროექტი არჩევნების გერმანული მოდელის მსგავსია, თუმცა ის არ მოდის წინააღმდეგობაში საქართველოს კონსტიტუციასთან.
გიორგი ვაშაძის განცხადებით, ხვალინდელ შეხვედრაზე, რომელსაც ხელისუფლების და დიპლომატიური კორპუსის წარმომადგენლები დაესწრებიან, ოპოზიცია სწორედ აღნიშნული კანონპროექტით მივა.
კანონპროექტს ოპოზიცია უახლოეს დღეებში პარლამენტშიც დაარეგისტრირებს.
