როგორც ჩანს, არის გარკვეული სახის შენარჩუნების მცდელობა, რადგან მიხეილ სააკაშვილი ხედავს, რომ უკვე ოპოზიციის დიდი ნაწილი ემიჯნება ე.წ. free misha ან „თავისუფლება მიშას“ მოძრაობას და აქედან გამომდინარე, ცდილობს სახე შეინარჩუნოს, – აცხადებს საპარლამენტო უმრავლესობის წევრი შალვა პაპუაშვილი
„მიხეილ სააკაშვილი თავდაპირველად არ ეგუებოდა და დღესაც არ ეგუება იმას, რომ იმყოფებოდა სასჯელაღსრულების დაწესებულებაში. საბოლოო ჯამში, ყველას მოუწევს შეეგუოს აზრს, რომ როცა არსებობს დამდგარი განაჩენი, ის უნდა აღსრულდეს“, – განაცხადა პაპუაშვილმა.
