პარლამენტი საკონსტიტუციო ცვლილებების საკომიტეტო განხილვას იწყებს. საარჩევნო სისტემის ცვლილებაზე კონსტიტუციური კანონის პროექტს დეპუტატები იურიდიულ საკითხთა კომიტეტზე განიხილავენ, რომელიც 17:00 საათზე დაიწყება.
საკონსტიტუციო ცვლილებების განხილვის პროცესში მონაწილეობას არ მიიღებს საპარლამენტო ოპოზიციის ნაწილი. როგორც "ნაციონალური მოძრაობისა" და "ევროპული საქართველოს" წევრები აცხადებენ, ვიდრე მმართველი გუნდი გიორგი რურუას პატიმრობიდან არ გაათავისუფლებს, ისინი არც განხილვებსა და არც კენჭისყრაში მონაწილეობას არ მიიღებენ.
