პარლამენტის შენობასთან ოპოზიციის საპროტესტო აქცია დაიწყო. პოლიტიკური პარტიები და საზოგადოების ნაწილი პარლამენტის მიერ საკონსტიტუციო ცვლილების ჩაგდებას აპროტესტებენ, რომლის მიხედვითაც 2020 წლის არჩევნები პროპორციული წესით უნდა გამართულიყო.
14 ნოემბერს, პლენარული სხდომის დასრულების შემდეგ რუსთაველის გამზირზე მოქალაქეები შეიკრიბნენ და დღევანდელი დემონსტრაცია დააანონსეს. ოპოზიციური პარტიების ლიდერებმა უკანასკნელი დღეების განმავლობაში სამი შეხვედრა გამართეს. მოთხოვნებს ისინი საზოგადოებას დღეს გააცნობენ.
წინასწარი ინფორმაციით, ოპოზიციური პარტიები მოითხოვენ ვადამდელი არჩევნების ჩატარებას პროპორციული სისტემით, მთავრობის გადადგომას, საარჩევნო ადმინისტრაციის შეცვლასა და პოლიტპატიმრების უპირობო, დაუყოვნებლივ გათავისუფლებას.
თბილისში მიმდინარე საპროტესტო აქციას შეუერთდნენ მოქალაქეები სხვადასხვა რეგიონებიდან.
