საქართველოს პრეზიდენტმა სალომე ზურაბიშვილმა ზაზა გახელაძის ოჯახი ორბელიანების სასახლეში მიიღო.
პრეზიდენტთან შეხვედრა გუშინ, 27 აპრილს გახელაძის ოჯახის წევრებმა მოითხოვეს.
ორბელიანების სასახლეში გამართული შეხვედრის შესახებ დამატებითი დეტალები უცნობია.
შეგახსენებთ, რომ კასპის მუნიციპალიტეტის სოფელ ქვემო ჭალაში მცხოვრები ზაზა გახელაძე რუსმა ოკუპანტებმა 291 დღის წინ გაიტაცეს.
ოკუპანტებმა დაკავებამდე ზაზა გახელაძე საქართველოს კონტროლირებად ტერიტორიაზე ცეცხლსასროლი იარაღით დაჭრეს.
ოკუპირებული ცხინვალის ე.წ. სასამართლომ საქართველოს მოქალაქეს 12 წლით და 6 თვით თავისუფლების აღკვეთა მიუსაჯა.
