ოპოზიციური პარტიები თბილისის მაჟორიტარულ ოლქებში ერთიან სიაზე შეთანხმდნენ. ამის შესახებ განცხადება "ლეიბორისტული პარტიის" ლიდერმა შალვა ნათელაშვილმა გააკეთა.
"დღეს ჩვენ თბილისი უნდა გავათავისუფლოთ ოლიგარქისგან. ამისთვის ქართულმა ოპოზიციამ მიაღწია უპრეცენდენტო ერთობას",- განაცხადა შალვა ნათელაშვილმა.
ოპოზიციის ერთიანი სია ასეთია:
ვაკის რაიონი- "ევროპული საქართველოს" წევრი ელენე ხოშტარია;
გლდანის რაიონი - ენმ-ს ლიდერი ნიკა მელია;
ისნის რაიონი- “ახალი საქართველოს” დამფუძნებელი გიორგი ვაშაძე;
სამგორის რაიონი- ენმ-ს წევრი ლევან ხაბეიშვილი;
მთაწმინდის რაიონი - "თავისუფალი დემოკრატების" ლიდერი შალვა შავგულიძე;
ნაძალადევის რაიონი - "ლეიბორისტული პარტიის" ლიდერი შალვა ნათელაშვილი.
დიდუბე -ჩუღურეთის და საბურთალოს ოლქებში ოპოზიციას მაჟორიტარი კანდიდატი არ დაუსახელებია. იქნება თუ არა მათშორის გიორგი მარგველაშვილი, შალვა ნათელაშვილი აცხადებს, რომ "გამორიცხული არაფერი არ არის".