რაც ბათუმში მოხდა, არის სამარცხვინო საქციელი, - ამის შესახებ "ერთიანი ნაციონალური მოძრაობის" წევრი რომან გოცირიძე საკუთარ Facebook გვერდზე წერს.
"ძალადობა განსხვავებული პოლიტიკური შეხედულების, თუნდაც არასწორი გადაწყვეტილების გამო, რაგინდ მიუღებელიც არ უნდა იყოს იგი, არის ბოლშევიზმი", - წერს რომან გოცირიძე.
ცნობისთვის, გუშინ, ბათუმის ბულვარში გამართულ საპროტესტო აქციაზე მისულ დეპუტატს, ირაკლი ჩავლეიშვილს, აქციის მონაწილეებმა პროტესტის ნიშნად თავზე ნაგავი დააყარეს და შეძახილებით "მონა", "მოღალატე" დაატოვებინეს ტერიტორია.
