რუსთაველის გამზირზე ცოცხალი ჯაჭვის აქცია დასრულდა. ადგილზე შეკრებილმა მოქალაქეებმა ვარდების რევოლუციის 18 წლისთავი აღნიშნეს.
ცოცხალი ჯაჭვი მიხეილ სააკაშვილის მხარდამჭერებმა და სამოქალაქო აქტივისტებმა გააკეთეს. მოქალაქეების ნაწილი ვარდების მოედნიდან, ნაწილი კი თავისუფლების მოედანთან შეიკრიბა, მსვლელობა გამართა და საბოლოოდ ცოცხალი ჯაჭვი შეკრა.
აქციაზე შეკრებილები საქართველოს მესამე პრეზიდენტის, მიხეილ სააკაშვილის გათავისუფლებას ითხოვდნენ.
ადგილზე მიტანილი ჰქონდათ წითელი ვარდები, ასევე საქართველოს და ევროკავშირის დროშები.
