5-დღიანი შიმშილობის შემდეგ, რუსთავის საკრებულოს დეპუტატებმა "ნაციონალური მოძრაობიდან" შიმშილობა შეწყვიტეს. გ
ადაწყვეტილება მას შემდეგ მიიღეს, რაც მიხეილ სააკაშვილს იუსტიციის მინისტრმა გორის ჰოსპიტალში გადაყვანა შესთავაზა.
"პროტესტმა გამოიღო შედეგი და ხელისუფლება იძულებული გახდა, მიხეილ სააკაშვილი გადაიყვანოს გორის ჰოსპიტალში. ამ ეტაპზე ჩვენ მიზანშეწონილად მივიჩნევთ, დავასრულოთ პროტესტის ეს ფორმა და ვაგრძელებთ ბრძოლას საბოლოო გამარჯვებამდე.
მიხეილ სააკაშვილის პოზიცია ჩვენთვის ცნობილია, ტექნიკური საკითხებია მოსაგვარებელი, ჩვენი ინფორმაციით, დღეს იქნება გადაყვანილი გორის ჰოსპიტალში" - თქვა საკრებულოს დეპუტატმა ვაჟა მორგოშიამ.
შეგახსენებთ, 5 დღის წინ რუსთავის საკრებულოს დეპუტატებმა ფრაქციის კუთვნილ ოთახში შიმშილობა მესამე პრეზიდენტის სამოქალაქო კლინიკაში გადაყვანის მოთხოვნით დაიწყეს.
