"ერთიანი ნაციონალური მოძრაობის" წევრის ეკა ხერხეულიძის განცხადებით, საქართველოს მესამე პრეზიდენტი ეკონომიკურ პროგრამაზე მუშაობს.
მისივე თქმით, მიხეილ სააკაშვილი პოლიტიკურად კარგ ფორმაშია.
"პოლიტიკურად ის კარგ ფორმაშია. ამ ეტაპზე, ეკონომიკურ პროგრამაზე მუშაობს, რომელიც სიდუხჭირის და გაჭირვების დაძლევისკენ არის მიმართული.იმ საკითხებით არის მოცული, რომელიც საზოგადოებას აწუხებს. მას საგანგაშოდ მიაჩნია სოციალური ფონი, რომელიც ახლა არსებობს ქვეყანაში", - განაცხადა ხერხეულიძემ რუსთავის ციხეში სააკაშვილის მონახულების შემდეგ.
