"ქართული ოცნების" არმასრულებელი მდივანი მამუკა მდინარაძე აცხადებს, რომ მიხეილ სააკაშვილს უკრაინა არ დაუტოვებია.
მისივე თქმით, საქართველოს მესამე პრეზიდენტი სწორედ უკრაინაში იმალება.
"ჩვენ გვაქვს ინფორმაცია, რომ ეს ვიდეო არის Fake-ი. ეს არის Deepfake-ი თუ მონტაჟის სხვა საშუალებით შექმნილი, ეს მეორე საკითხია და ესეც დადასტურდება. ყველა ვარიანტში, მაღალი ალბათობით არის Deepfake-ი, მაგრამ შეიძლება იყოს Fake-ის სხვა სახეობაც. ამას ტექნიკოსები სწავლობენ.
საქართველოში არის კი არა, ეს კაცი, დიდი ბოდიში ყველა მაიმუნთან, მაგრამ არის ჩვეულებრივი მაიმუნი. ამის იქით მისი ქმედებების, ამ კლოუნდის შეფასება, შეუძლებელია.
ეს კაცი უკრაინიდან არსად წასულა, იმალება, სადღაც შემძვრალია და იქიდან რაღაცებს გეგმავს, მეორე თუ მესამე ტელეფონით. უტყუარი ინფორმაციაა, რომ უკრაინა არ დაუტოვებია, არათუ საქართველოში, სხვა ქვეყანაშიც არ არის. ხვდებით ალბათ, რომ ამის შესახებ მარტივად გვექნება ინფორმაცია", – განაცხადა მამუკა მდინარაძემ.
ცნობისთვის, მიხეილ სააკაშვილმა ვიდეომიმართვა გაავრცელა, რომელშიც აცხადებს, რომ ის ბათუმშია.
ვიდეოს გამოქვეყნებამდე სააკაშვილმა სოციალურ ქსელში დაწერა, რომ ის უკვე საქართველოშია.
როგორც report.ge-ს შინაგან საქმეთა სამინისტროში განუცხადეს, სააკაშვილს საქართველოსსაზღვარი არ გადმოუკვეთავს.
