საქართველოს მესამე პრეზიდენტი, მიხეილ სააკაშვილი აცხადებს, რომ ,,ქართული ოცნების" დღევანდელი განცხადებები, პანიკის უკიდურესი გამოხატულებაა.
,,ეს არის ივანიშვილის ბოლო ჟამი. პანიკის უკიდურესი ფორმა. სიმხდალის და ისტერიკის გამოხატულება. ბევრ ქვეყანაში გვინახავს დიქტატორები, როდესაც ემხობიან, ბოლოს ასეთ რაღაცებს აკეთებენ. მათ სცადეს ყველაფერი, ჩემზე აღძრეს თითიდან გამოწოვილი სისხლის სამართლის საქმეები, მაიძულეს, რომ ვერ ჩამოვიდე ქვეყანაში.
მათ დააპატიმრეს ბევრი სხვა ლიდერი, აწარმოეს უბინძურესი, უსაზიზღრესი რუსული პროპაგანდა.
რაც უნდა ის დაიწყონ, ჩვენ არაფრის გვეშინია", -განაცხადა მიხეილ სააკაშვილმა ,,TV პირველის" ეთერში.
