სააკაშვილმა და ივანიშვილმა ძალიან შხამიანი ნიადაგი გაამზადეს და დემოკრატია აღარ ამოდის, – ამის შესახებ "ლეიბორისტული პარტიის" ლიდერმა შალვა ნათელაშვილმა განაცხადა.
"ერთმანეთზე უარესები არიან. ქვეყნისთვის ორივემ ერთი ძალიან შხამიანი საძირკველი ჩაყარა, ძალიან შხამიანი ნიადაგი გაამზადა და იმ ნიადაგზე აღარ ამოდის არც დემოკრატია, არც პენსია, არც ხელფასი, არც ადამიანური გადასახადი, არც განათლება, არც ტექნოლოგიები, არც ინვესტიციები და არც არაფერი. თუმცა, ვიმეორებ, ის დღეს პოლიტიკური პატიმარია და ის უნდა განთავისუფლდეს", – განაცხადა შალვა ნათელაშვილმა "tv პირველის" ეთერში.
