საჯარო სამსახურები მუშაობას დისტანციურ რეჟიმში აგრძელებენ, - გადაწყვეტილება ამის შესახებ უწყებათაშორისი საკოორდინაციო საბჭოს სხდომაზე მიიღეს.
„კვლავ ძალაში რჩება რეკომენდაცია, რომლის თანახმად, საჯარო სამსახურში დასაქმებული პირები მუშაობას დისტანციურ რეჟიმში განაგრძობენ,"-ნათქვამია მთავრობის ადმინისტრაციის მიერ გავრცელებულ ინფორმაციაში.
ასევე, გამკაცრდება დადგენილი წესებისა და სტანდარტების კონტროლი საზოგადოებრივი თავშეყრის ადგილებში, მათ შორის რესტორნებსა თუ სარეკრეაციო სივრცეებში, საზოგადოებრივ ტრანსპორტში.
