”ჩვენი თანამშრომლობა კურას მონაკვეთზე გრძელდება,” - ამის შეასხებ აზერბაიჯანის ეკოლოგიისა და ბუნებრივი რესურსების სამინისტროს წყლის რესურსების მართვის დეპარტამენტის უფროსმა მუტალიმ აბდულგასანოვმა ”ექსპერტის საათზე” განაცხადა.
მისი თქმით, სამუშაოები ხელშეკრულების მიხედვით მიმდინარეობს.
”ამ საკითხს სრულად აკონტროლებენ საგარეო საქმეთა სამინისტრო, მინისტრთა კაბინეტი და МЭПР (Министерства экологии и природных ресурсов). თურქეთის მხარესთან მიმდინარეობს მოლაპარაკებები მტკვრის წყლების დაყოფისა და მართვის შესახებ, რადგან შეთანხმების გარეშე შეუძლებელია წყლის რესურსების ეკონომიკურ გამოყენებაზე საუბარი. ჩვენ ვცდილობთ დავასრულოთ მუშაობა საქართველოსთან ხელშეკრულების დადებაზე და გავაგრძელოთ თანამშრომლობა თურქეთთან,” - ამბობს აბდულგასანოვი.
შეგახსენებთ, მდინარე მტკვარი ამიერკავკასიის უდიდესი მდინარეა, რომელიც სათავე იღებს თურქეთში 2742 მ-ზე, ყიზილ-გიადუკის მთის აღმოსავლეთ კალთაზე. ერთვის კასპიის ზღვას აზერბაიჯანის ტერიტორიაზე. მისი სიგრძე 1515 კმ-ია. აუზის ფართობი 188 ათ. კმ².
საქართველოში მოქცეულია მტკვრის შუაწელის დაახლოებით 400 კმ მონაკვეთი. მტკვარი ყველაზე გრძელია აზერბაიჯანში, სადაც მისი სიგრძე 906 კმ-ს უდრის.
მტკვრის აუზი მოიცავს: სომხეთის ტერიტორიას მთლიანად, აზერბაიჯანისა და საქართველოს ტერიტორიის დიდ ნაწილს, აგრეთვე თურქეთისა და ირანის ტერიტორიის ნაწილს.
ბელა გელაშვილი
ავტორი