საქართველო ნამდვილად იმსახურებს MAP-ის მიღებას, - ამის შესახებ სენატორმა რობ პორტმანმა თბილისში გამართული პრესკონფერენციის დროს განაცხადა.
სენატორის თქმით, საქართველომ NATO-ში გასაწევრიანებლად რეფორმები უნდა გაატაროს.
"საქართველოს უნდა მიეცეს საშუალება, ნაბიჯები გადადგას NATO-ში გაწევრიანებასთან დაკავშირებით. NATO-ს აქვს პროცესი, რომელსაც ჰქვია MAP-ის პროცესი, მიგვაჩნია, რომ საქართველო ნამდვილად იმსახურებს MAP- ის მიღებას, რაც საქართველოს ხელს შეუწყობდა NATO-ს წევრობისკენ სვლაში. ამისათვის მნიშვნელოვანია, ქვეყანამ გაატაროს რეფორმები სხვადასხვა მიმართულებით, როგორც სამხედრო და თავდაცვის სფეროში, ასევე, კანონის უზენაესობის გაუმჯობესების თვალსაზრისითაც," - განაცხადა სენატორმა.
