საქართველოს პარლამენტის ოფიციალურ ვებგვერდზე წვდომა შეზღუდულია. როგორც report.ge-ს პარლამენტის პრესსამსახურიდან აცნობეს, მიზეზი ტექნიკური პრობლემაა.
"გაცნობებთ, რომ ტექნიკური პრობლემის გამო, საქართველოს პარლამენტის ოფიციალურ ვებგვერდზე დროებით შეზღუდულია წვდომა. პრობლემის აღმოფხვრამდე ვერ ხერხდება საკომიტეტო სხდომებისა და სხვა საპარლამენტო ღონისძიებების პირდაპირი ტრანსლაცია.
ყველა ღონისძიების ჩანაწერს პარლამენტის საზოგადოებასთან ურთიერთობისა და ინფორმაციის დეპარტამენტი მოგვიანებით გაავრცელებს" - აღნიშნავენ პარლამენტის პრესსამსახურში.
