საქართველოში სენატორები რობ პორტმანი და ჯინ შაჰინი ჩამოვლენ. ამის შესახებ ინფორმაციას საქართველოში აშშ-ის საელჩო ავრცელებს.
მათივე ცნობით, კონგრესის დელეგაცია საქართველოს მომავალ კვირას ეწვევა.
"კონგრესის დელეგაცია, სენატორ ჯინ შაჰინის ხემძღვანელობითა და სენატორ რობ პორტმანის მონაწილეობით, საქართველოს მომავალ კვირას ეწვევა, რათა გააჟღეროს ორპარტიული გზავნილი, რომ ამერიკის შეერთებული შტატები ქართველ ხალხს მხარში უდგას ქვეყნის დემოკრატიის გასაძლიერებლად", - წერს საელჩო სოციალურ ქსელში.
