საქართველოს პრეზიდენტმა სალომე ზურაბიშვილმა აზერბაიჯანის რესპუბლიკის პრეზიდენტს ილჰამ ალიევს დაბადების დღის მისალოცი წერილი გაუგზავნა.
მისალოც წერილში ნათქვამია:
,,თქვენო აღმატებულებავ
ჩემთვის დიდი პატივია, როგორც საქართველოს ხალხის სახელით, ასევე ჩემი სახელით მოგილოცოთ დაბადების დღე.
დღეს კარგი შესაძლებლობაა გავიხსენოთ მრავალსაუკუნოვანი მეგობრული ურთიერთობა ჩვენს ქვეყნებს შორის. ჩვენი პარტნიორობა ემყარება გულწრფელობას და ერთობლივ თანამშრომლობას პრობლემების გადასაჭრელად.
ვწუხვარ, რომ თქვენი დაბადების დღე დაემთხვა იმ პერიოდს, როდესაც COVID-19 პანდემია კვლავ მძვინვარებს მსოფლიოში. გვირაბის ბოლოს უკვე ჩანს შუქი. იმ დროს, როდესაც მსოფლიოში ვაქცინები გამოიყენება გლობალური კრიზისის ამ ეტაპზე, ჩვენ გავაგრძელებთ სოლიდარობასა და ერთიანობას.
მინდა ვისარგებლო შემთხვევით და აღვნიშნო, თუ რამდენად მნიშვნელოვანია მშვიდობა ჩვენს რეგიონში. კიდევ ერთხელ მივესალმები მშვიდობის დამყარებას, რაც ძალიან მნიშვნელოვანია მთელი რეგიონისთვის, მათ შორის ჩვენი საერთო განვითარებისთვის, პროგრესი და სტაბილურობა.
მე მჯერა, რომ მსოფლიო გამოვა კრიზისიდან საერთაშორისო სოლიდარობის, მჭიდრო ერთიანობის წყალობით და უფრო ძლიერი გახდება, ვიდრე ადრე. გელოდებით საქართველოში, პანდემიის დასრულების შემდეგ.
ბატონო პრეზიდენტო, ნება მიბოძეთ კიდევ ერთხელ გადმოგცეთ თქვენ და თქვენს ოჯახს ჯანმრთელობის, ამოუწურავი ენერგიისა და კეთილდღეობის სურვილები.
ქალბატონ მეჰრიბანს ყველაზე გულწრფელი და თბილი სურვილები", - აღნიშნულია მილოცვის ტექსტში.
