საქართველოს პრეზიდენტი გაეროს ეგიდით გამართულ უნივერსალური ჯანდაცვის მაღალი დონის შეხვედრაზე სიტყვით გამოვიდა. სალომე ზურაბიშვილის განცხადებით, საქართველოს ხელისუფლებამ ჯანმრთელობის დაცვა პოლიტიკურ პრიორიტეტად გამოაცხადა და რესურსების ეფექტიანი მობილიზაციის გზით, საქართველოს მოსახლეობის 90%-ს დღეს უკვე აქვს წვდომა ჯანმრთელობის დაცვის აუცილებელ სერვისებზე.
„არავინ დატოვო მიღმა“ - ეს ჩვენი საერთო მიზანია”-განაცხადა პრეზიდენტმა.
საქართველოს პრეზიდენტმა ჯანდაცვის სამინისტროს მიერ განხორციელებულ წარმატებულ პროექტებზე ისაუბრა და ამ მიმართულებით C ჰეპატიტის პროგრამა გამოყო.
„უნივერსალურობის კიდევ ერთი კარგი მაგალითია C ჰეპატიტის ელიმინაციის პროგრამა, რომლის განხორციელებაც საქართველოს მთავრობამ 2015 წელს დაიწყო აშშ-ის დაავადებათა კონტროლისა და პრევენციის ცენტრის, „გილეად საიენსის“, ჯანდაცვის მსოფლიო ორგანიზაციისა და სხვა პარტნიორების ხელშეწყობით.
საქართველოს პრეზიდენტი გაეროს გენერალური ასამბლეის 74-ე სესიაში მონაწილეობის მისაღებად ნიუ-იორკში სამუშაო ვიზიტით იმყოფება.
გვანცა ჭანტურია
ავტორი