საქართველოში ოფიციალური ვიზიტით მყოფი ლიეტუვის პრეზიდენტი, გიტანას ნაუსედა საქართველოს პრეზიდენტს, სალომე ზურაბიშვილს შეხვდა.
ლიეტუვის პრეზიდენტის დახვედრის ოფიციალური ცერემონია ათონელის რეზიდენციაში გაიმართა.
პირისპირ შეხვედრის შემდეგ პრეზიდენტებმა ერთობლივი განცხადება გააკეთეს.
შეგახსენებთ, გიტანას ნაუსედა საქართველოში 10 ივნისს ჩამოვიდა.
ლიეტუვის პრეზიდენტი, გუშინ, ხურვალეთში, საოკუპაციო ხაზთან იმყოფებოდა.
საქართველოში ვიზიტის ფარგლებში, ლიეტუვის პრეზიდენტი შეხვედრებს გამართავს პრემიერ-მინისტრთან ირაკლი ღარიბაშვილთან, პარლამენტის თავმჯდომარესთან კახა კუჭავასთან და საქართველოს კათოლიკოს-პატრიარქთან ილია მეორესთან.
