შეიძლება ითქვას, რომ მე და ნიკა მელია შევრიგდით, - ამის შესახებ პარტია "მოქალაქეების" ლიდერმა ალეკო ელისაშვილმა ჟურნალისტებთან განაცხადა.
"ვსაუბრობდით იმ ჩვენს არასასიამოვნო გადაძახილ-გადმოძახილზე, რომელიც მანამდე იყო და მინდა ვთქვა, რომ ჩვენს შორის გაირკვა რაღაცები. შეიძლება ვთქვათ, რომ შევრიგდით. ჩვენ ერთმანეთში გავარკვიეთ პირადი ურთიერთობა", - განაცხადა ელისაშვილმა.
"ნაციონალური მოძრაობის" თავმჯდომარე ნიკა მელია და "მოქალაქეების" ლიდერი ალეკო ელისაშვილი ერთმანეთს სენატორებთან ვახშმამდე "შერატონ მეტეხი პალასთან" შეხვდნენ.
