2020 წლის საარჩევნო სისტემასთან დაკავშირებით, ოპოზიციასა და ხელისუფლებას შორის შეთანხმება მიღწეულია. ამის შესახებ, აშშ-ის ელჩის რეზიდენციაში მისულმა ხელისუფლებისა და ოპოზიციის წარმომადგენლებმა, შეხვედრიდან გამოსვლის შემდეგ განაცხადეს.
ოპოზიციური პარტიების წარმომადგენელთა თქმით, ოპოზიცია და მმართველი გუნდი 120/30-ზე მოდელზე და ერთპროცენტიან ბარიერზე შეთანხმდა.
ასევე, მხარეები შეთანხმდნენ, რომ 40%-ზე ნაკლები მხარდაჭერის მქონე პარტია მთავრობის ერთპარტიულ დაკომპლექტებას ვერ შეძლებს.
როგორც შეხვედრის მონაწილეები ამბობენ, აღნიშნულზე მემორანდუმი გაფორმდა და მას ხელი ორმხრივად მოეწერა.
ანტონ თათვიძე
ავტორი