თბილისის საკრებულოში მიდმინარე სხდომაზე, "ლელოს" ერთ-ერთმა ლიდერმა საბა ბუაძემ დედაქალაქის მერს, კახა კალაძეს კორუმპირებული უწოდა.
"მე მაქვს ჩემი მოსაზრება თქვენ მმართველობასა და კეთილსინდისიერებასთან. მიმაჩნია, რომ თქვენ დედაქალაქის ისტორიაში ერთ-ერთი ყველაზე კორუმპირებული მერი ხართ. არა მხოლოდ პერსონალური გამდიდრების და კორუფციის თვალსაზრისით, პარტიის სასარგებლოდ", - განაცხადა საბა ბუაძემ.
აღნიშნულს კახა კალაძე გამოეხმაურა და განაცხადა, რომ ბუაძეს შეურაცხყოფას "არავინ გაუტარებს".
"შეურაცხყოფის მიყენებას იცოდე, არავინ გაგიტარებს, მიიღებ შესაბამის პასუხს, ძალიან მტკივნეულსაც", - მიმართა კახა კალაძემ საბა ბუაძეს.
ცნობისთვის, დედაქალაქის საკრებულოში სხდომა მიმდინარეობს, სადაც თბილისის მთავრობის წევრების დამტკიცებაზე მსჯელობენ.