ე.წ. სამხრეთ ოსეთის КГБ ქართულ მხარეს ცეცხლის გახსნაში ადანაშაულებს.
" 5 ნოემბერს, დაახლოებით 18:00 საათზე ხაშურის რაიონის დასახლებული პუნქტის ყობის მხრიდან, სადაც ქართული პოლიციის დამატებითი ძალებია განლაგებული, სამხეთ ოსეთის რესპუბლიკის სახელმწიფო საზღვრის მიმართულებით დაუდგენელმა პირებმა ავტომატური ცეცხლსასროლი იარაღიდან 10-15-ჯერ გაისროლეს, არ არის მსხვერპლი და არც დაზიანებული სასაზღვრო ინფრასტრუქტურა“, - ნათქვამია ე.წ. სამხრეთ ოსეთის სახელმწიფო უსაფრთხოების კომიტეტის განცხადებაში.
როგორც report.ge -ს სახელმწიფო უსაფრთხოების სამსახურში განუცხადეს, აღნიშნული მორიგი დეზინფორმაციაა.
„ეს არის მორიგი დეზინფორმაცია და პროვოკაციული განცხადება, რომელიც სიმართლეს არ შეესაბამება“,- აცხადებენ სუს-ში.