თავში

თბილისის საკრებულოს თავმჯდომარის მოადგილეების ვინაობა ცნობილია

თბილისის საკრებულოს თავმჯდომარის მოადგილეების ვინაობა ცნობილია
თბილისის საკრებულოს თავმჯდომარის მოადგილეების ვინაობა ცნობილია

თბილისის მეშვიდე მოწვევის საკრებულოს პირველ სხდომაზე თავმჯდომარის პირველი მოადგილე და მოადგილეები აირჩიეს.

საკრებულოს წევრთა უმრავლესობის გადაწყვეტილებით, საკრებულოს თავმჯდომარის პირველი მოადგილის თანამდებობა გიორგი ახვლედიანმა დაიკავა. საკრებულოს თავმჯდომარის მოადგილის თანამდებობებზე კი თინათინ ნიბლოშვილი და ზურაბ აბაშიძე დაამტკიცეს.

მეშვიდე მოწვევის საკრებულოს თავმჯდომარის პირველი მოადგილის და მოადგილეების თანამდებობებზე კანდიდატურები საკრებულოს ახლადარჩეულმა თავმჯდომარემ გიორგი ტყემალაძემ დაასახელა.

საკრებულოს წევრებმა წარმოდგენილი კანდიდატურები ფარული კენჭისყრის შედეგად დაამტკიცეს. საკრებულოს თავმჯდომარის პირველი მოადგილის თანამდებობაზე გიორგი ახვლედიანის კანდიდატურა 27 ხმით 2-ის წინააღმდეგ დაამტკიცეს.

საკრებულოს თავმჯდომარის მოადგილეების თანამდებობაზე თინათინ ნიბლოშვილის და ზურაბ აბაშიძის კანდიდატურებს ასევე 27 ხმით დაუჭირეს მხარი.

საკრებულოს თავმჯდომარის მოადგილეების არჩევის შემდეგ თბილისის მეშვიდე მოწვევის საკრებულოს სხდომაზე შესვენება გამოცხადდა. 

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system