თავში

"წარმოიდგინეთ ქუჩაში გაშვებული სააკაშვილი, აბსოლუტური კლოუნი" - კობახიძე

"წარმოიდგინეთ ქუჩაში გაშვებული სააკაშვილი, აბსოლუტური კლოუნი" - კობახიძე
წარმოიდგინეთ ქუჩაში გაშვებული სააკაშვილი, აბსოლუტური კლოუნი - კობახიძე

"ქართული ოცნების" თავმჯდომარის ირაკლი კობახიძის განცხადებით, ჩამოვა თუ არ ჩამოვა საქართველოს მესამე პრეზიდენტი, მიხეილ სააკაშვილი საქართველოში, ორივე შემთხვევაში "ნაციონალური მოძრაობა" იზარალებს.

მისივე თქმით, "ქართული ოცნებისთვის" სააკაშვილის არდაკავება უკეთესიც იქნებოდა, თუმცა, კანონი ამის საშუალებას არ იძლევა.

"ჩამოვა თუ არ ჩამოვა, ორივე შემთხვევაში, წაგებული რჩება "ნაციონალური მოძრაობა," თუმცა, ქვეყანა დაისვენებს, როდესაც ის მოხვდება იმ დაწესებულებაში, სადაც ეკუთვნის მოხვედრა.

კანონი რომ გვაძლევდეს მისი არ დაკავების საშუალებას, ეს შეიძლება უკეთესიც კი ყოფილიყო ჩვენთვის - წარმოიდგინეთ ქუჩაში გაშვებული მიხეილ სააკაშვილი, აბსოლუტური კლოუნი. საბოლოო ჯამში, ის მხარს უჭერს ჩვენს საარჩევნო შანსებს, თავისი ქმედებებით, რადგან ვიცით, რომ საზოგადოებაში არის სერიოზული შიში ნაცმოძრაობის დაბრუნებასთან დაკავშირებით და ნებისმიერი ასეთი აქტი ამ შიშებს ამძაფრებს.

ქუჩაში რომ გავიდეს, კიდევ უკეთესია - ყველა დაინახავდა, ბავშვებს, ახალგაზრდებს აღარ ახსოვთ რა კლოუნი იყო, რა ტიპაჟი იყო მიხეილ სააკაშვილი, როგორ იქცეოდა, იტყუებოდა, როგორ გაიქცა გორში თვითმფრინავის დანახვაზე და ა.შ. მშიშარა, ჩვეულებრივი კლოუნი," - განაცხადა ირაკლი კობახიძემ "რუსთავი 2-ის" ეთერში. 

ცნობისთვის, საქართველოს მესამე პრეზიდენტმა, მიხეილ სააკაშვილმა კიევი-თბილისის რეისზე ბილეთი აიღო.

სააკაშვილი საქართველოში ჩამოსვლას 2 ოქტომბერს, არჩევნების დღეს გეგმავს.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system