"ტვ პირველმა" გადაცემაში "ნოდარ მელაძის შაბათი" ბერა ივანიშვილისა და ირაკლი ღარიბაშვილის სავარაუდო სატელეფონო საუბრის ჩანაწერი გამოაქვეყნა, სადაც მმართველი პარტიის ყოფილი თავმჯდომარის, ბიძინა ივანიშვილის შვილი ღარიბაშვილს ფეისბუკ კომენტარის გამო გარკვეულ პირებზე ანგარიშსწორებას სთხოვს.
ჩანაწერის თარიღი უცნობია. მასში, ჟურნალისტების მტკიცებით, სახელმწიფო დაცვის გენერალ-მაიორი ანზორ ჩუბინიძეც მონაწილეობს, რომელთანაც ბერა ივანიშვილი და ირაკლი ღარიბაშვილი ანგარიშსწორების დეტალებს განიხილავენ.
