უკრაინა და საქართველო იზიარებენ საერთო მიზანს, გახდნენ ევროკავშირისა და ნატო-ს სრულუფლებიანი წევრები, – ამის შესახებ უკრაინის პრეზიდენტმა ვლადიმირ ზელენსკიმ Twitter-ის ოფიციალურ გვერდზე დაწერა.
„საქართველოს პრეზიდენტ სალომე ზურაბიშვილთან განვიხილე უკრაინისა და საქართველოს ევროატლანტიკური მისწრაფებები. ჩვენი ქვეყნები იზიარებენ საერთო მიზანს, გახდნენ ევროკავშირისა და ნატო-ს სრულუფლებიანი წევრები. ასევე, განხილული იყო ენერგოუსაფრთხოება. ჩვენ შევთანხმდით, რომ ეს საკითხი სამომავლო თანამშრომლობის პრიორიტეტულ სფეროდ გავხადოთ“, -წერს ზელენსკი.
უკრიანის ლიდერი ასევე აღნიშნავს, რომ უკრიანისა და საქართველოს საერთო ამოცანაა, მეგობრული კავშირებისა და სტრატეგიული პარტნიორების გაძლიერება.
საქართველოს პრეზიდენტის, სალომე ზურაბიშვილის ვიზიტი კიევში დღეს, 23 ივნისს გაიმართა.
