გორის სამხედრო ჰოსპიტალში საქართველოს მესამე პრეზიდენტთან მისი უფლებადამცველები მივიდნენ. როგორც ადვოკატმა ბექა ბასილაიამ აღნიშნა, მიხეილ სააკაშვილთან 29 ნოემბერს დაგეგმილ სასამართლო პროცესზე ისაუბრებენ.
მისი თქმით, დაცვის მხარე ყველა სამართლებრივ მექანიზმს გამოიყენებს იმისთვის, რომ საზოგადოებამ დაინახოს, რამდენად მართალია მიხეილ სააკაშვილი.
რაც შეეხება მასთან პოლიტიკოსების არშეშვებას, ბექა ბასილაია ამბობს, რომ ხელისუფლება მათ დაბრკოლებებს ხელოვნურად უქმნის, რათა მიხეილ სააკაშვილს პოლიტიკური საქმიანობა შეეზღუდოს.
გუშინ მიხეილ სააკაშვილმა წერილი გაავრცელა, სადაც ნათქვამი იყო, რომ თუ მასთან დეპუტატებს არ შეუშვებენ ის მკურნალობის კურსს შეწყვეტს.
