კულტურის, სპორტისა და ახალგაზრდობის მინისტრი, გიორგი გახარიას პოლიტიკაში დაბრუნების შესახებ გაკეთებულ განცხადებას ეხმაურება.
თეა წულუკიანის თქმით, ყოფილი პრემიერი პოლიტიკურ ველზე გასვლის შემთხვევაში ,,ქართულ ოცნების" რეალური ოპონირებას გაუწევს, რადგან მან გუნდის სუსტი და ძლიერი მხარეების შესახებ იცის.
წულუკიანი ამბობს, რომ ისიც კარგად იცნობს გიორგი გახარიას სუსტ და ძლიერ მხარეებს.
„იმედია მან იცის რას აკეთებს. მაღალპროფესიონალი ადამიანია და თუ ის გამოვა პოლიტიკურ სცენაზე, ის იქნება ჩვენი რეალური ოპოზიცია. სხვა ოპოზიციებისგან განსხვავებით, გარკვეული ბენეფიტიც ექნება - გუნდს იცნობს ძალიან კარგად. სხვებზე, რომ არ ვილაპარაკო, მე მისი ხელმძღვანელობის დროს ვიყავი ვიცე-პრემიერი, იუსტიციის მინისტრი და მან კარგად იცის სად არის ჩემი სიძლიერე და სად არის ჩემი სისუსტე, მაგრამ მეც ვიცი სად არის მისი სიძლიერე და სად სისუსტე. პირადად ჩემთვის, ეს იქნება საინტერესო ოპონირების პროცესი, რამდენად დამთავრდება ეს მისი გამარჯვებით, ამაში ძალიან დიდი ეჭვი მეპარება“, - განაცხადა თეა წულუკიანმა ,,რადიო იმედის" ეთერში.
ცნობისთვის, ყოფილმა პრემიერ-მინისტრმა, გიორგი გახარიამ 22 მარტს, ჟურნალისტებს განუცხადა, რომ არსად წასვლას არ აპირებს, მათ შორის არც პოლიტიკიდან.
შეგახსენებთ, რომ გიორგი გახარიამ პრემიერ-მინისტრის თანამდებობა 18 თებერვალს დატოვა.
