გიორგი ვაშაძისა და თაკო ჩარკვიანის მიერ ,,ძალა ერთობაშიას" დატოვებას მმართველ გუნდშიც გამოეხმაურნენ. პარლამენტის თავმჯდომარის პირველი მოადგილის გია ვოლსკის განცხადებით, ოპოზიცია ისედაც დასუსტებულია და აღნიშნული ფაქტი, არაფერს ცვლის.
,,გაერთიანებულ ოპოზიციას ასუსტებს ის, რომ ხელისუფლებასთან პოლიტიკური ბრძოლა გადააქციეს სახელმწიფოსთან ბრძოლად. თაკო გავა ამ საერთო ფერხულიდან თუ ნებისმიერი სხვა, მაგას არ აქვს მნიშვნელობა,"- განაცხადა ვოლსკიმ.
ცნობისთვის, ,,კანონი და სამართალისა" და ,,ახალი საქართველოს" ლიდერებმა თაკო ჩარკვიანმა და გიორგი ვაშაძემ ,,ძალა ერთობაშია" დატოვეს და ახალი პოლიტიკური პლატფორმა, ,,სტრატეგია აღმაშენებელი" დააფუძნეს.
