40 წლის ლონდონელი ინჟინერი გახდა პირველი ადამიანი მსოფლიოში, რომელსაც 3D პრინტერით დაბეჭდილი თვალის პროთეზი წარმატებით გადაუნერგეს. შესაბამის ინფორმაციას Moorfields Eye Hospital ავრცელებს.
განცხადებაში აღნიშნულია, რომ პროთეზი ძალიან რეალისტურად გამოიყურება და მისი წარმოების პროცესს გაცილებით ნაკლები დრო სჭირდება.
მამაკაცი, რომელმაც მიიღო პროთეზი, წარმოუდგენლად ბედნიერია ამ შესაძლებლობით. მისი თქმით, ხელოვნური თვალი 20 წლიდან სჭირდებოდა და მთელი ამ ხნის განმავლობაში, საკუთარი გარეგნობის ძალიან ერიდებოდა. მამაკაცი აცხადებს, რომ პროთეზმა თავდაჯერებულობა შესძინა.
