გერმანიის ავიაციისა და კოსმოსური ცენტრის ასტრონომებმა ეგზოპლანეტა GJ 367b აღმოაჩინეს, რომელიც მზიდან 31 სინათლის წლის მანძილზე მდებარეობს. ამის შესახებ გამოცემა Space იუწყება.
GJ 367b დედამიწის ზომის დაახლოებით 70%-ს შეადგენს და ჩვენი პლანეტის მასის 55%-ის წონაა, რაც მას ერთ-ერთ ყველაზე მსუბუქ ეგზოპლანეტად აქცევს.
დღის განმავლობაში პლანეტის ზედაპირზე ტემპერატურამ შეიძლება 1500 გრადუს ცელსიუსს მიაღწიოს.
GJ 367b-ზე ერთი წელი 7,7 საათს გრძელდება.
პლანეტა NASA-ს Transiting Exoplanet Survey Satellite-ის ტელესკოპის წყალობით აღმოაჩინეს, რომელიც ორბიტაზე 2018 წელს გაეშვა.
