კალიფორნიაში, კოაჩელას დაბლობზე 3D პრინტერით დაბეჭდილი პირველი დასახლების აშენება იგეგმება.
ადგილზე 15 სახლი აშენდება, რომლებიც მთლიანად გამოიყენებს სუფთა ენერგიას და ეკოლოგიურად მეგობრული იქნება, ამასთან, სტანდარტული მშენებლობისგან განსხვავებით, სახლების 3D ტექნოლოგიით "დაბეჭდვისას" გარემო ფაქტობრივად არ დანაგვიანდება.
სახლებს სამი საძინებელი და ორი სააბაზანო ექნება. მათ ეზოებში კი საცურაო აუზებიც დამონტაჟდება. პროექტის საწყისი ფასი $595,000-ია. მყიდველებს, სურვილისამებრ, საშუალება ექნებათ, დაამატონ ორი საძინებელი და საპირფარეშო, ეს კი ღირებულებას $255,000-ით გაზრდის.
მას შემდეგ რაც მშენებლობა დაიწყება, 3D ტექნოლოგიის წყალობით მალევე დასრულდება. "ბეჭდვის" პრინციპი რაღაცით საბავშვო გასართობ LEGO-ს მოგვაგონებს.
