ასტრონომებმა დედამიწიდან 230 მილიონი სინათლის წლის მოშორებით, შავი ხვრელი შენიშნეს, რომელიც სივრცეში გადაადგილდება. წარმოუდგენელი მიზიდულობის ძალის მქონე ობიექტები, როგორც წესი, გალაქტიკის ცენტრში გვხვდება და სწორედ ამიტომ ასტრონომებისთვის მოულონელი სანახაობა იყო, როდესაც მათ ერთ-ერთ გალაქტიკასთან ახლოს მოძრავი შავი ხვრელი შენიშნეს.
შავი ხვრელი, რომელიც მზის მასას 3 მილიონჯერ აღემატება, 110 000 მილი საათში სიჩქარით მოძრაობს. მოვლენა არესიბოსა და გემინის ობსერვატორის მონაცემებზე დაყრდნობით გამოიკვლიეს.
"როდესაც მონაცემებზე დაყრდნობით შედეგებს ვიღებდი, ვიფიქრე, რომ რაღაც შემეშალა. სანამ მრავალჯერ არ გადავხედე ყველა ანალიზს, ვერ დავიჯერე, რომ ეს ნამდვილად ხდებოდა, " - განაცხადა ნაშრომის ავტორმა დომინიკ პესცემ.
