ბრიტანულმა რობოტების მწარმოებელმა Engineered Arts-მა ახალი ჰუმანოიდი Ameca წარადგინა. ამის შესახებ სამეცნიერო გამოცემა Hi-tech იუწყება.
გამოცემა აღნიშნავს, რომ ჰუმანოიდს რეალისტური სახის ნაკვთები და მიმიკები აქვს. რობოტის შემქმნელი ინჟინრების განცხადებით, Ameca ადვილად გამოხატავს ისეთ ემოციებს, როგორებიცაა: გაოცება, აღტაცება, უკმაყოფილება და სხვა. მას სახეზე დამახასიათებელი მიმიკური ნაოჭებიც კი აქვს.
Engineered Arts-მა შესაძლოა Ameca საგამოფენო და სატელევიზიო სამუშაოებისთვის გამოიყენოს.
Ameca-ს ხილვა მსურველებს CES 2022 Invention Show-ზე შეეძლებათ, რომელიც 2022 წლის იანვარში გაიმართება.
