დაცული ტერიტორიების სააგენტო ბორჯომში გადაღებულ ფოტოს ავრცელებს, რომელზეც წყლის მემინდვრიაა აღბეჭდილი.
ფოტოს შემდეგი განმარტება ახლავს:
"ეს წყლის მემინდვრიაა - პაწაწინა ცხვირით, ფაფუკი ყურებითა და გრძელი კუდით
როგორც სახელწოდებიდანაც ჩანს, ეს ცხოველი წყლის მოყვარულია. ძალიან კარგად ცურავს და შეუძლია ყვინთვაც, რაც მტაცებლისგან თავდაცვაში ეხმარება.
წყლის მემინდვრია თხრის საკმაოდ გრძელ, ოვალური ფორმის სოროს, რომელიც 1-2 ბუდეს მოიცავს და აქვე იმარაგებს საკვებს ზამთრისთვისაც", - წერს დაცული ტერიტორიების სააგენტო "ფეისბუქის" გვერდზე.
