რუსეთის ჩრდილოეთით, ჩუკოტკის სოფელ რირკაიპიში განგაში გამოცხადდა. როგორც BBC წერს, სოფელში 56 პოლარული დათვის შეჭრის გამო ყველა სახის საჯარო ღონისძიება გაუქმდა, სკოლებს კი გაძლიერებულად იცავენ.
გარემოსდამცველები ცხოველების სოფელთან გამოჩენას კლიმატის ცვლილებას უკავშირებენ. გლობალური დათბობის გამო ნაპირთან ყინული სუსტია, რაც ცხოველებს ნადირობას ურთულებს. ამის გამო დათვებს საკვების ძებნა ზღვის ნაცვლად სოფლებში ურჩევნიათ. ექსპერტთა ნაწილი თვლის, რომ ბოლო დროს მსგავსი შემთხვევების გახშირების გამო სოფელი უნდა დაიცალოს.
პოლარული დათვები ჩვეულებრივ რირკაიპიდან 2.2 კილომეტრის მანძილზე ცხოვრობენ.
