ნახატი რომლის ავტორიც ღორია - £2,350-ად (10 922 ლარი) გაიყიდა.
"არტისტმა" სახელად პიგკასომ (Pigcasso) "შედევრი" სულ რამდენიმე წუთში შექმნა. ესპანელმა მყიდველმა კი ის მალევე შეისყიდა.
პიგკასოს საკმაოდ მძიმე წარსული აქვს. ის პატარაობაში ცხოველთა სასაკლაოსგან იხსნა მისმა ამჟამინდელმა პატრონმა ჟოან ლეფსონმა.
მას შემდეგ ღორმა საკუთარ თავში მხატვრობის ნიჭი აღმოაჩინა და ასამდე ნამუშევარი შექმნა. მისი ნახატები საკმაოდ დიდი პოპულარობით სარგებლობს და კარიერის მანძილზე სულ £50,000 (232 212 ლარი) გამოიმუშავა.
ღორის პატრონი ირწმუნება, რომ ნახატი, რომელიც £2,350 გაიყიდა, პრინც ჰარის პორტრეტია.
