ლონდონის უნივერსიტეტის კოლეჯის ოფთალმოლოგებმა აღმოაჩინეს, რომ ღვინომ, შესაძლოა, კატარაქტის განვითარების რისკი შეამციროს.
მკვლევარებმა 490 000-ზე მეტი ადამიანის მონაცემები შეაგროვეს, მათ შორის ინფორმაცია მათი დიეტის, ალკოჰოლის მოხმარებისა და დაავადების შესახებ. აღმოჩნდა, რომ ალკოჰოლის დაბალი და ზომიერი მოხმარება, დაახლოებით კვირაში 10 ჭიქა ღვინის ან ექვსი ჭიქა ლუდის მიღება, კატარაქტის განვითარების რისკს ამცირებს.
ყველაზე მკაფიო კავშირი წითელ ღვინოსთან იყო. ადამიანებს, რომლებიც მას მოიხმარენ, კატარაქტის მკურნალობასა და ოპერაციის ჩატარების ალბათობა 23%-ით უფრო ნაკლებია. გაცილებით ნაკლებად გამოხატული ეფექტი ჰქონდა ლუდსა და სხვა ალკოჰოლურ სასმელებს.
ექიმების თქმით, ამის მიზეზი, შესაძლოა, პოლიფენოლების ნაერთები იყოს, რომლებიც ღვინოში არსებობს და რომლებსაც ორგანიზმის დაცვა შეუძლიათ.
