ამერიკელმა მეცნიერებმა მათ მიერ ლაბორატორიულად შემუშავებულ მინი-ტვინს, მარტივი კომპიუტერული თამაშები ასწავლეს. Report.ge-ის ცნობით, ამის შესახებ გამოცემა Futurism წერს.
მეცნიერები აღნიშნავენ, რომ მინი-ტვინს ახალი ინფორმაციის ანალიზის სიჩქარე უფრო სწრაფი აქვს, ვიდრე ხელოვნური ინტელექტების ბევრ მოდელს.
ბიოტექნოლოგიური სტარტაპ Cortical Labs-ის მკვლევარებმა შექმნეს მინი ტვინი, რომელიც შედგება 800 000 ტვინის უჯრედისგან. მათ მოათავსეს უჯრედები მიკროელექტროდების მასივის თავზე, რომლებიც აანალიზებენ ნერვულ აქტივობას.
იმისთვის, რომ მინი-ტვინს ესწავლა თამაში, გუნდმა შექმნა პონგის თამაშის გამარტივებული ვერსია მოწინააღმდეგის გარეშე. სიგნალი იგზავნება მასივის მარჯვენა ან მარცხენა მხარეს, რათა მიუთითოს ამოიცნოს ადგილსამყოფელი. ტვინის უჯრედებიდან ნეირონები აგზავნიან სიგნალებს უკან, რათა გადააადგილონ ბურთი.
მკვლევარებმა შენიშნეს, რომ მინი ტვინი ვერ თამაშობს ისე კარგად, როგორც ადამიანი, მაგრამ სწავლობს უფრო სწრაფად, ვიდრე ზოგიერთი ხელოვნური ინტელექტის მოდელი.
Cortical Labs-ის გუნდს სურს, ეს აღმოჩენები დახვეწილი ტექნოლოგიების შესაქმნელად გამოიყენოს.
