"20 წლის წინ მინდოდა გახდომა. ვიყავი გაცილებით უფრო ტანსრული, ვიდრე ახლა ვარ.
წავედი ძალიან საყვარელ და კარგ ენდოკრინოლოგთან, ქალბატონ ელენე გიორგაძესთან, რომელთანაც გახდა ჩემი მეგობარი და მითხრა, არ გინდა, რომ დაიკლო ცოტა წონაშიო. წავედით.
ანალიზების აღების შემდეგ აღმოჩნდა, რომ თურმე მაქვს მომატებული გლუკოზა", - ამის შესახებ მომღერალმა მაია ბარათაშვილმა ისაუბრა.
მან ტელეკომპანია "რუსთავი 2"-ის ეთერში გაიხსენა ის პროცესები, რომელიც დიაბეტის აღმოჩენიდან მისი რეგულირების გზამდე გაიარა.
"ჩემი ამაო მცდელობის მიზეზი, რომ გავმხდარიყავი, ყოფილა სწორედ ეს. ძალიან შემეშინდა, მინდა გითხრათ, იმიტომ, რომ მე მქონდა გენეტიკური განწყობა. დედას ჰქონდა დიაბეტი მე დროულად ჩავავლე იმ მდგომარეობას ხელი, იმისთვის, რომ ვაკონტროლოთ და სადავეები ხელში გვეჭიროს, აუცილებელია კვებითი ხელშეწყობა", - თქვა მაია ბარათაშვილმა.
