მარია შარაპოვა დაინიშნა. ჩოგბურთის მსოფლიო ვარსკვლავმა, რომელმაც კარიერა რამდენიმე თვის წინ დაასრულა, ქორწინებაზე თანხმობა განუცხადა ბრიტანელ ხელოვნების კრიტიკოს ალექსანდრ გილკეს. როგორც ტაბლოიდები წერენ, წყვილი ერთმანეთს ორი წლის განმავლობაში ხვდებოდა.
გადაწყვეტილების შესახებ გულშემატკივრებს შარაპოვამ Instagram-ის საშუალებით თავად შეატყობინა. მან საქმროსთან ერთად გადაღებული ფოტოებიც გამოაქვეყნა და კომენტარად დაწერა: "მე მას შეხვედრისთანავე ვუთხარი თანხმობა... ეს ჩვენი პატარა საიდუმლო იყო".
