NASA-ს მარსის კვლევითი აპარატი, InSight, მტვრის ქარიშხლის გამო, ელექტროენერგიის მოხმარების ეკონომიურ რეჟიმზე გადავიდა. Report.ge-ს ცნობით, ამის შესახებ ინფორმაციას NASA ავრცელებს.
NASA-ს რეაქტიული მოძრაობის ლაბორატორიის (JPL) ინფორმაციით, ზონდი ეკონომიურ რეჟიმზე 7 იანვარს გადავიდა.
განცხადებაში ასევე აღნიშნულია, რომ მტვრის ქარიშხლის გამო, მოწყობილობის მზის პანელებს მზის ნაკლები შუქი ხვდება.
ეკონომიურ რეჟიმში მუშაობისას InSight ენერგიას მხოლოდ მისი ძირითადი ფუნქციებისთვის გამოიყენებს.
აშშ-ის დეპარტამენტი იმედოვნებს, რომ მომავალ კვირას InSight-ის მუშაობა სრულად განახლდება.