ოქსფორდის უნივერსიტეტის სტუდენტებმა ღონისძიებებზე აპლოდისმენტები აკრძალეს. ამიერიდან შეკრებებზე ტაშის დაკვრის ნაცვლად ისინი ხელების ქნევას დაიწყებენ. ინიციატივის მიზეზად ის სახელდება, რომ ხმამაღალი აპლოდისმენტები აუტიზმის სპექტრის მქონე სტუდენტებს დისკომფორტს უქმნის. ტრადიციული ტაშის გარდა უნივერსიტეტში ე.წ. „ჯაზის ხელების“ მეთოდი დაინერგება: ადამიანი ხელებს ზემოთ წევს და აქეთ-იქით ატრიალებს. „ჩვენ გვსურდა, ადამიანები ჟესტის ენის გამოყენებისკენ გვებიძგა, რათა ჩვენს ღონისძიებებზე დასწრება სხვადასხვა აშლილობის მქონე სტუდენტებმაც შეძლონ“, - ნათქვამია ოქსფორდის სტუდენტური კავშირის განცხადებაში.
