დანიაში 2019 წელს მიღებული ენერგიის 47% ქარის ტურბინებით იყო გამომუშავებული. ამ მონაცემით, ქვეყანამ რეკორდი დაამყარა. ის განახლებადი ენერგიის წარმოებაში მსოფლიო ლიდერია და მნიშვნელოვნად უსწრებს ამ რეიტინგში მეორე ადგილზე მყოფ ირლანდიას, რომელმაც ქარის ტურბინებით 2018 წელს ენერგიის 29%-ს გამოიმუშავა.
ქარის ენერგის ყველაზე დიდი გენერატორი დანიაში აგვისტოში გაიხსნა. აქედან მიღებული ენერგია 425 000 ოჯახს მიეწოდება. ქვეყანაში ამ ტიპის წარმოების გაზრდა იგეგმება. 2021 წელს დანია ბალტიისპირეთის ზღვაზე აპირებს ქარის ტურბინების განთავსებას. ოფიციალური პირების განცხადებით 2030 წელს ემისიების რაოდენობა 70%-ით შემცირდება.
