შეერთებული შტატების აერონავტიკისა და კოსმოსის ეროვნული ადმინისტრაციის (NASA) მიერ გამოქვეყნებული ანგარიშის თანახმად, რუსული კოსმოსური რაკეტის ნამსხვრევები ჩინურ თანამგზავრს შეეჯახა. Report.ge-ს ცნობით, შესაბამისი დოკუმენტი NASA-მ გამოაქვეყნა.
დოკუმენტის თანახმად, კოსმოსური შეჯახება 2021 წლის მარტში მოხდა.
1996 წელს რუსეთმა კოსმოსში რაკეტა Zenit-2 გაგზავნა, რომელიც კოსმოსურ ნამსხვრევებად იქცა და თანამგზავრებისთვის საშიშ სიტუაციას ქმნის. 2021 წლის მარტში რაკეტა ჩინურ ამინდის თანამგზავრს YunHai 1-02-ს შეეჯახა.
შეჯახების შედეგად ჩინეთის თანამგზავრი ნაწილობრივ ჩამოინგრა და 37 ნამსხვრევი წარმოიქმნა. ოთხი მათგანი უკვე დაიწვა დედამიწის ატმოსფეროში.
NASA-მ აღნიშნა, რომ ეს, 10 წლის განმავლობაში, ადამიანის მიერ შექმნილი ობიექტების ორბიტაზე პირველი შეჯახებაა.
