SpaceX-მა კოსმოსში Starlink-ის 49 თანამგზავრით დატვირთული Falcon 9 გადამზიდი გაუშვა. Report.ge-ს ცნობით, ამის შესახებ განცხადება SpaceX-ის twitter-ზე გამოქვეყნდა.
გაფრენა ფლორიდიდან, ჯონ კენედის კოსმოსური ცენტრიდან განხორციელდა.
ილონ მასკის კომპანია ორბიტაზე თანამგზავრების რაოდენობით მსოფლიო ლიდერია. ახლა დედამიწის ორბიტაზე Starlink-ის 1000-ზე მეტი თანამგზავრია განთავსებული. რამდენიმე წელიწადში მათი რიცხვი 42 ათასამდე უნდა გაიზარდოს.
Starlink-ის სატელიტური ინტერნეტის ბეტა ტესტერებმა აჩვენა, რომ ინტერნეტის საშუალო სიჩქარეა 150 მბ/წმ.
შეგახსენებთ, Starlink-ის ინტერნეტი ფართო მასშტაბით ხელმისაწვდომი 2021 წლის სექტემბრიდან იწყება.
SpaceX-ის ამოცანა დედამიწის ორბიტაზე ხელოვნურ თანამგზავრთა თანავარსკვლავედის შექმნაა, რომლის დანიშნულებაც პლანეტის ნებისმიერი წერტილიდან მაღალი სიჩქარის ინტერნეტთან წვდომის უზრუნველყოფა იქნება.
მასკის განცხადებით, მისი მიზანია, უახლოეს ხანებში Starlink-მა ინტერნეტი მიაწოდოს დედამიწის ისეთ რეგიონებს, სადაც ინტერნეტი აქამდე არასოდეს ყოფილა.