ილონ მასკის კოსმოსური კომპანია SpaceX-ის "სტარლინკების" სატელიტური ინტერნეტის პროექტი ამოქმედებას მიმდინარე წლის სექტემბრიდან დაიწყებს.
როგორც SpaceX-ის პრეზიდენტმა და მთავარმა ოპერაციულმა დირექტორმა, გვინ შოთველმა განაცხადა, "სტარლინკები" მთელ მსოფლიოს უწყვეტი ინტერნეტით მოამარაგებენ.
”ჩვენ წარმატებით განვალაგეთ დაახლოებით 1,800 სატელიტი. მას შემდეგ რაც ისინი ოპერაციულ ორბიტაზე მოხვდებიან, ინტერნეტის უწყვეტ, გლობალურ დაფარვას განვახორციელებთ", - განაცხადა შოთველმა.
მიმდინარე წლის მაისში SpaceX-ის დამფუძნებელმა, ილონ მასკმა განაცხადა, რომ Starlink-ის ინტერნეტის მიწოდების სურვილი უკვე 500,000-ზე მეტმა პირმა გამოთქვა.
